Plantun de Prouvènço

Pèr coumpara dos planto d'encò nostre

Erica cinerea & Nymphoides peltata

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).

Port : Aubret
Taio : 20 à 60 cm
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms - Estiéu - Autouno

Sòu : Si
Autour basso e auto : 0 à 1600 m
Aparado : Noun
Jun à óutobre

Liò : Bos clar - Champino - Pinedo - Sablo
Estànci : Mesoumediterran à Mountagnard
Couroulougi : Éuroupenco-Ouèst
Ref. sc. : Erica cinerea L., 1753

Fausso-ninfo

Nymphoides peltata

Menyanthaceae Gentianaceae

Nom en français : Faux Nénuphar.

Descripcioun :
Vaqui uno planto aparado que s'atrovo quàsi plus au nostre. Trachis dins uno lono de la valado dóu Rose. Aquesto fausso-ninfo douno d'èr à la vertadiero (en bèn mai pichoto), pamens fai partido di dicoutiledouno. Se recounèis à si fueio e si flour jauno. Se destrio de Hydrocaris morsus-ranae que lou dessouto di fueio èi cubert de boudougneto e li flour soun jauno d'or.

Usanço :
La planto sarié manjadisso, mai n'i'a deja pu gaire ! Èi vertuouso contro li fèbre, li verme dóu quiéu e fai pissa.

Port : Erbo
Taio : 15 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Nymphoides
Famiho : Menyanthaceae
Famiho classico : Gentianaceae

Ordre : Asterales

Coulour de la flour : Jauno
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Vo
Jun à setèmbre

Liò : Lono - Mueio - Aigo
Estànci : Mesoumediterran à Coulinen
Couroulougi : Éurasiatico
Ref. sc. : Nymphoides peltata (S.G.Gmel.) Kuntze, 1891

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erica cinerea & Nymphoides peltata

ges

Coumpara Brousso-rasiero emé uno autro planto

Coumpara Fausso-ninfo emé uno autro planto